Ari reumbey reumbeuy reumbeuy Bandung ngareumbeuy dina jambangan ari heureuy heureuy heureuy Bandung heureuy ge jeung kasopanan. Ari lilin lilin Bandung, geus hurung sok peok deui, ari ulin ulin Bandung geus embung sok hayang deui. Kapan abdi gaduh suweng, kunaon teu dipongpokan, kapan abdi keur baluweng kunaon teu dilongokan… Melak bawang di tanjakan, sok sieun kembangna beureum, melang dumeh paanggang, sok sieun kagembang deungeun. Kembang eros jeung jalaprang, cantigi reujeung malati, sanaos langka patepang, pamugi ulah rek lali. Supa mayang saboboko, saparo dikaparakeun, hayang mah tibareto, ngan acan kalaksanakeun. Kapiting katojo bulan, kokosan bantun tilamping, sapeuting asa sabulan, ngantosan panutan anu sumping. Pongporang di luhur gunung, saung di handapeunana, abdi melang kanu pundung, kumaha mah nenganana. Hayang iuh make payung, kumaha mukakeunana, hayang wawuh jeung nu pundung, kumaha nyukakeunana… Cau ambon dikorangan kanyéré ka pipir-pipir Lalaki ambon sorangan awéwé teu mikir-mikir Cukleuk leuweung cukleuk lamping jauh ka sintung kalapa Lieuk deungeun lieuk lain jauh ka indung ka bapa Deungkleung déngdék deungkleung déngdék buah kopi raranggeuyan Ingkeun ieu anu déwék ulah pati diheureuyan Jeruk lemo jeruk butun diteundeun di ruyuk kaso Tilam sono ka nu ngantun sampeureun isuk pagéto Kapinis ulah disumpit tangkal muncang ngarangrangan Ieu nulis badé pamit duakeun ti kaanggangan Kaso pondok kaso panjang kaso ngaroyom ka jalan Sono mondok sono nganjang sono patepang di jalan Lampuyang nu cocongoan bawaeun ka Rajagaluh Ku hayang nya sosonoan isuk mah urang pajauh Majar manéh nganyam samak neukteukan bari motongan Majar manéh néang anak ngadeukeutan popotongan Meuncit meri dina rakit boboko wadah bakatul Lain nyeri ku panyakit kabogoh direbut batur Ngalantung mulungan tanjung bari metik nagasari baringung pikir mangpaung ati ceurik jeung rarisi Ngimpi ngajul kembang tanjung ngimpi ngala nagasari Ngimpi tepung jeung nu jangkung tara-tara ti sasari Pileuleuyan daun pulus kararas daun katimpang Pileuleuyan ulah tulus masing ras ka nu di tukang Reundeu beureum reundeu hideung reundeu kayas solempangan Beuki heubeul beuki nineung beuki lawas kaédanan Samping hideung dina bilik kumaha nuhurkeunana Abdi nineung ka nu balik kumaha nuturkeunana Talingtung talina benang mobil beureum diguratan Satungtung teu acan beunang moal eureun disuratan | Aya listrik di masigit caangna ka pabrik Kina Aya istri jangkung alit éndahna kabina-bina Baju hideung kancing tangan dikaput ku mérang awi Nu hideung matak teu nangan sing émut ka diri abdi Baju soéh tatambalan kaput gedé jarumatna Daék sotéh ngawulaan lamun hadé rumawatna Baju tablo dibulao kembangna katuncar mawur Ari bogoh ti baréto terang-terang geus ku batur Batu turun keusik naék kalapa tonggoheunana Itu purun ieu daék sarua bogoheunana Béak daun béak randu unggal poé dibikeunan Béak taun béak windu moal weleh dileukeunan Boboko ragrag ti imah ninggang kana pileuiteun Nya bogoh ulah ka semah ari balik sok leungiteun Bubuy bulan sangray béntang panonpoé disasaté unggal bulan abdi téang unggal poé ogé hade Carulang dipahpal kuda héjo deui héjo deui Rék mulang samar kaduga nénjo deui nénjo deui És lilin buatan Bandung dicandak ka Cipaganti abdi isin bararingung sok inggis henteu ngajadi Itikurih Béntang Sinar maén di lapang Cicéndo Nyeri peurih kunu anyar matak henteu hayang nénjo Itu saha nungtun munding digantélan saputangan Itu saha ginding teuing singhoréng geuning jungjunan Kamana ngaitkeun kincir ka kalér katojo bulan Kamana ngaitkeun pikir moal palér ku sabulan Karinding palapah kawung ditiup ku nu paranti Nu ginding ulah mangpaung sing émut ka diri abdi Kembang goyang jeung érmawar pacampur jeung kacapiring Hariwang réa kakelar tagiwur teu genah cicing Leuleupeutan leuleuweungan ngarah kékéjoanana Deudeukeutan reureujeungan ngarah téténjoanana Ngala antanan ka jami cau emas tengah huma Kahayang ulah rék lami geura unjukan ka Ama Ngaput baju kurang benang gantian ku kantéh baé Mun panuju geura téang kuring mah rék daék baé Pileuleuyan cangkang béas huut sajeroning kéjo Pileuleuyan urang ikhlas imut sajeroning nénjo Pucuk tiwu akar bangban amis mata disusukan Mun rék milu geuwat dangdan cimata geura susutan Rayagung tanggal sapuluh kasungka reujeung maléla Abdi burung mun teu tulus kasuka da ti baheula Rincik-rincik hujan leutik paralak hujan tambaga Nilik-nilik mojang leutik teu terang aya nu boga Saninten buah saninten dibantun ka parapatan Hapunten abdi hapunten tangtos seueur kalepatan Sayang kaak diarengan diasupkeun kana peti Hayang angkat sasarengan bati gegetun nya ati |
Lain bangban lain pacing lain kananga aduna Lain babad lain tanding lain ka dinya kuduna Lamun urang ka Cikolé moal hésé tumpak kahar Lamun urang boga gawé moal hésé barangdahar Lamun urang ninun kantéh ulah resep maké poléng Lamun urang leutik kénéh ulah resep ngomong goréng Meunggeus diangir ku Jeungjing geura ganti ku Kihiang Meunggeus pelesir ti peuting geura ganti ku sambéang | Mihapé sisir jeung minyak kadé kaancloman leungeun Mihapé pikir jeung niat kadé kaangsonan deungeun Mun engké mesék kalapa pasti butuh ku cipati Mun hadé ka indung bapa pasti diasih ku Gusti Masing asak-asak ngéjo bisi tutung tambagana Masing asak-asak nénjo bisi kaduhung jagana Sing getol nginum jajamu nu guna nguatkeun urat Sing getol néangan élmu nu guna dunya ahérat |
Abong-abong abdi bonténg seubeuh diacar diangeun Abong-abong abdi goréng seubeuh disangsara deungeun Batur mah dibaju hideung kuring mah kabaya baé Batur mah dipikatineung kuring mah sangsara baé Daék sotéh ka Cinangka ka Cisitu mah teu purun Daék sotéh ka manéhna ka nu itu mah teu purun Hayang teuing buah hiris teu bisa ngasakanana Hayang teuing ka nu geulis teu bisa ngakalanana Ka mana nya nyiar payung sakieu panas poéna Ka mana nya nyiar duyung sakieu panas haténa | Mun teu tulus ka paseukna ka pacirna ogé hadé Mun teu tulus ka lanceukna ka adina ogé hadé Sapanjang jalan Soréang moal weléh diaspalan Sapanjang tacan kasorang moal weléh diakalan Sugan téh kukupu hideung singhoréng sirama-rama Sugan téh kukuh mitineung singhoréng kamana-mana Tibatan jalan gang buntu mending gé ka Baros baé Tibatan abdi dipalsu mending gé teu cios baé Salawe dua puluh lima Mobil Sedan Cetna Hejo Awewe jaman ayeuna Bisa dandan teu bisa ngejo |
Aya roda na tanjakan katinggang ku pangpun jéngkol Aya rangda gogoakan katinggang ku hulu kohkol Ka mana nya nyiar kulit hayang seubeuh sesewiran Ka mana nya nyiar duit kayang seubeuh pelesiran Rarasaan melak cau teu nyaho mun melak jahé Rarasaan matak lucu teu nyaho mun matak réhé | Rarasaan ngala mayang teu nyaho cangkeuteuk leuweung Rarasaan konéng umyang teu nyaho cakeutreuk hideung Majar manéh cengkéh konéng kulit peuteuy dina nyiru Majar manéh lengkéh konéng kulit beuteung mani nambru Sok hayang nyaba ka Bandung sok hayang nyaho nanjakna Sok hayang nanya nu pundung sok hayang nyaho nyentakna |
Caang bulan opat belas teu kaduga ku poékna Aya bujang baju bodas teu kaduga ku korétna Cai mulang cai malik cai ngocor ka astana Panon burial buncelik da kadempét étanana Cau naon cau naon cau kulutuk di juru Bau naon bau naon bau nu hitut di juru Cikaracak ninggang batu laun-laun jadi legok Tai cakcak ninggang huntu laun-laun nya dilebok Cikur jangkung jahé konéng lampuyang pamura beuteung Rarasaan jangkung konéng puguh mah bureuteu hideung Daun jarak dibeungkeutan dibawa ka jalan gedé Anu harak ngadeukeutan hayangeun dibawa hadé Écét écét oét oét ngaronda ngarurek belut Kapélét kuring kapélét ku randa nu gedé hitut És lilin ku amis tiis leuwih ngeunah ti és télér Abdi isin ku nu geulis dikiceupan jol ngagolér Ka Bandung tuluy ka Bogor di Cianjur meuli bonténg Kasiksa boga kabogoh sungutna bau spiténg Ti Lélés ka Kadungora jalana mani molongpong Baheula nini téh ngora ayeuna mah enggeus ompong | Ki Hiang nu meunang nuar disugu pikeun jualeun Kahayang meunang nu beunghar puguh mah jalma kuuleun Lima kirang tilu dua nu ngitung tos bener deui Waos tilu punglak dua kantunna tos ungger deui Manuk gaak macok kupat kecok deui kecok deui Diwedak reujeung disipat dekok deui dekok deui Meuleum manggu tengah poé dicokélan kayu api Malem minggu ninggang sué diapélan aki-aki Meuli topi meuli koper selop rumput dibungkusan Nyai koki ngaku pinter ngesop buntuk ditungguan Pa Suma gawéna dahar mun bedug bakal ditéwak Percuma dibéré beunghar mun budug saawak-awak Pipiti di bunga wari kaso panjang diteukteukan Resep ka randa kiwari sono nganjang deudeukeutan Pipiti dibunga wari téténong dibobokoan Lalaki jaman kiwari hadé omong pangoloan Poé Saptu poé Kemis salasa heuleut-heuleutan Saha itu muril kumis leumpangna eundeuk-eundeukan Sada ketuk sada kenong sada suling eujeung goong Huntuna nyénghol katémbong lamun ngomong bau jigong Turub cupu buli-buli dipaké wadah hangasa Daék sukur teu paduli kami gé da moal maksa |
